明師傅甜品 (已結業)

食完晚飯就係食甜品嘅時間🤤荃灣海壩街就出名多嘢食，連甜品舖都有幾間，真係令我同朋友唔知食邊間甜品好🤔雖然上網睇到大家對呢間明師傅嘅評價一般咁，但我同朋友最後都係揀咗呢間明師傅😂.呢到都有唔少個名好新穎嘅甜品，例如「地獄球場」😂其實即係涼粉+椰果+西米+黑珍珠+朱古力雪糕+椰奶。同行朋友叫咗地獄球場嚟食，佢食緊同食完都冇講過任何comment😂咁正常本身呢啲嘢撈埋食都應該唔會有咩意外，又唔會有咩驚喜嘅😂.而我最後睇勻全本menu，都係叫番芝麻糊😛😆估唔到呢碗芝麻糊係唔錯喎，我同朋友都話幾鐘意😋我本身鐘意較「結身」嘅芝麻糊🙆🏻‍♀️而呢到嘅芝麻糊濃稠度同甜度都啱我口味😛然後其實我唔知金脆芝麻糊嘅「金脆」係指咩😂湯圓就冇乜特別，加唔加都冇乜所謂。