Amplifier Restaurant (花園街) (已結業)

今日同FD食團年飯，當然要食得豪D，一早book咗哩間餐廳。晚市提供二人套餐，提供前菜沙律主菜甜品等，相當豐富。凍檸茶同凍咖啡，套餐搭配，檸檬茶底好香，兩杯都唔會好甜。白酒忌廉青口，會搭配埋法棍薄片一齊食。用白酒忌廉汁烹飪青口，青口食落更加鮮甜。巴馬火腿配蜜瓜，火腿擺得好似一朵花。火腿鹹香煙熏味濃郁，和清甜蜜瓜好夾。蒜香牛油田螺酥皮盒，田螺用秘制醬料焗烤，食落醬香味十足。酥皮盒子整得好出色，牛油味好重好鬆軟。蟹肉龍蝦濃湯，湯飲落好濃郁好creamy，少少蟹肉龍蝦肉碎豐富咗口感。香煎日本帆立貝番茄醬義大利面，用日本刺身級帶子煎制，帶子肉清甜裙邊彈牙。意粉偏硬身果款，每一啖意粉裹曬番茄醬，好惹味。慢煮美國威靈頓牛柳，哩個真係做得好出色。外層酥皮金黃香脆，內裡牛肉仲好juice，中層蘑菇醬好鮮香，一啖食到三種唔同風味同口感，好like。仲會搭配一件焗烤蒜頭，搭配埋牛肉一齊食，又係另一種風味。是日甜點，今日甜點係奧利奧蛋糕，食落好重牛奶味同埋好幼滑，唔會好甜。