周記螺螄粉

營業中

休息中

好耐無入大西北，呢排天氣開始濕，味蕾反而想找些刺激食下辣野，見呢間新店企企理理，有唔少街坊幫襯，直接一試無妨。記得第一次聽螺絲粉係來自一位廣西既同事，名符其實「食螺絲」，但後來發現只係唔同版本既米線米粉而已。螺絲粉湯底偏酸，酸豆角酸筍令人食得酸爽、炸豆皮吸收晒湯底令辣味更燙口， 望落清清地既湯底其實係螺煮出黎既，帶有一份鮮甜。配料方面揀左「炸蛋」，香酥不油膩，蛋味又香，好似海綿咁好吸湯；另外揀左鴨腳（適合無「腳」不歡既我），夠淋，唔洗出手都輕易吮到骨，不過小心吮既時候俾辣湯俗親！同米線店唔同既除左係米粉質地較爽口滑溜，就不得不提果種獨特既「味」：有人話係臭，有人話係香，同榴連都有異曲同工之妙呢。但只要放膽一試，真係好容易會上癮，想一食再食！襯新店未排長龍，可以再反兜！