影片
更多
2021-07-28
279 瀏覽
二人晚餐前菜：田園沙律 + 忌廉餐湯沙律同餐湯都正正常常，無乜特別，都算唔錯😊飲品：水蜜桃玫瑰花茶 + 青檸蘋果梳打花茶聞落好大陣水蜜桃味，好香，都容易入口，唔會好大茶澀味，幾適合女士飲用👍🏻👍🏻青檸味梳打就比較少蘋果味，不過份量搭夠👍🏻👍🏻主菜：黑松露野菌意大利飯好香黑松露味，食落都幾重味，鍾意食黑松露嘅朋友一定鍾意，份量亦都唔算細，男士食用都夠飽肚😙主菜：6分厚切西冷牛扒配燒汁（跟薯菜）牛扒叫左偏熟既八成，肉質都唔會韌，切開都鎖到肉汁係入面，係幾好味既😍😍甜品：芒果啫喱配忌廉 + 士多啤梨泡芙雪山啫喱杯好可愛，仲估唔到啫喱上面加忌廉原來都幾夾👍🏻另外個泡芙雪山好豐富，啲泡芙入面係雲呢拿雪糕，再加兩個士多啤梨雪糕球，實在太邪惡😂整體上菜速度都算快，店員服務質素都唔錯，環境感覺好舒服，仲有旋轉木馬可以影相打卡，價錢方面都算大眾化，有機會可以再黎👏🏻👏🏻
前菜：田園沙律 + 忌廉餐湯
沙律同餐湯都正正常常，無乜特別，都算唔錯😊
飲品：水蜜桃玫瑰花茶 + 青檸蘋果梳打
花茶聞落好大陣水蜜桃味，好香，都容易入口，唔會好大茶澀味，幾適合女士飲用👍🏻👍🏻
青檸味梳打就比較少蘋果味，不過份量搭夠👍🏻👍🏻
主菜：黑松露野菌意大利飯
好香黑松露味，食落都幾重味，鍾意食黑松露嘅朋友一定鍾意，份量亦都唔算細，男士食用都夠飽肚😙
主菜：6分厚切西冷牛扒配燒汁
（跟薯菜）
牛扒叫左偏熟既八成，肉質都唔會韌，切開都鎖到肉汁係入面，係幾好味既😍😍
甜品：芒果啫喱配忌廉 + 士多啤梨泡芙雪山
啫喱杯好可愛，仲估唔到啫喱上面加忌廉原來都幾夾👍🏻
另外個泡芙雪山好豐富，啲泡芙入面係雲呢拿雪糕，再加兩個士多啤梨雪糕球，實在太邪惡😂
整體上菜速度都算快，店員服務質素都唔錯，環境感覺好舒服，仲有旋轉木馬可以影相打卡，價錢方面都算大眾化，有機會可以再黎👏🏻👏🏻
張貼
