Le Viet (已結業)

平日夜晚19:30去食，book左枱，即刻有得入坐。兩個人坐左四人枱，可以望到街景，幾舒服同好坐，唔會迫。好彩早d去食，晏dd就好多人。食物方面，叫左咖哩牛腩配法包，椰汁炒飯，鮮蝦米紙卷同青檸梳打。賣相全部都好吸引，咖哩汁好香，雖然份量唔算好大，但料足，有好多牛筋，薯仔同洋蔥好大塊。椰汁炒飯係最有驚喜既一樣，味道好有層次，有椰汁既香甜但唔會太漏，又有d鹹香味，份量好足，有蝦，魷魚，青豆，提子乾，好豐富。米紙卷正常，有薄荷葉係裡面，好清新。青檸梳打味道正常，唔錯。服務上，侍應有禮貌，唯一做得唔太好係無切開法包，要問佢地攞刀叉自己切。性價比正常，300 幾 兩個人，食到好味既越南野而且好飽，如果多d人去可以叫多幾碟野試下就仲好。