大滿屋日本料理 (已結業)

好耐都冇食過放題了，見哩間新開又好平咁就一於試下。食左唔小款式嘅野食，以下係比較推介嘅食物。虎蝦，上嘅時候已經拌左醬料，有小小辣，蝦嘅味道都好新鮮。刺身黎講，墨魚同蝦都係我比較中意嘅，好有鮮味，而且啲蝦唔係甜蝦，係比較大隻的。燒物只係食左海蝦，個外殻會比較咸，但剝左之後蝦肉嘅味道岩岩好。海膽親子花之戀，海膽味好出，配合埋花之戀，真係好正，飯又唔係好大舊，一定要試啊。總括黎講所有食物味道都唔差，而且環境同上菜嘅用具都好優雅，好似婚宴式佈置。