部落美食 (已結業)

經過深水埗見到呢間小店，夜晚又有串燒，就同友人叫左啲小食同串燒。估唔到，有驚喜咼！叫左兩款細炸雞，即叫即炸，熱辣辣，原味雞好食但唔特出，但係醬油好好食呀！汁沾滿每一舊雞，好惹味！炸野方面仲點左芝士豬扒，個人認為芝士味唔夠燶，所以都係炸雞好食啲串燒方面，點左扇貝，茄子，金菇肥牛卷，焗雜菜，全部都係即叫即燒，雖然可能會等耐小小，但係好食都唔緊要啦~扇貝同茄子應該係同一醬汁，酸酸甜甜仲有小小辣，有大陸串燒既味道其他兩款燒烤都好食，但就無頭先講的咁惹味。見到佢餐牌好似好推介車仔麵，今次無試到，下次經過一定會試埋！