夢娜尼泊爾餐廳 (已搬遷) 新店位置

依稀記得之前食過間東南亞餐廳喺附近，走入餐廳發現裝修格局不同；既然一場嚟到就試吓啦。餐廳裝修簡單，不過略嫌冷氣唔太夠。主打尼泊爾同印度菜，但喺餐牌上都見到有中式嘢。咁嚟得梗係簡番呢2個地方嘅菜式試啦。睇餐牌見呢個脆皮釀酸凍酸奶酪馬鈴薯豆，一粒粒幾得意；以前菜份量嚟講都幾大。外皮脆卜卜，入面裝住凍嘅原味乳酪；個乳酪幾夠酸所以好開胃。另一驚喜係，尼泊爾精選套餐A入面個黑扁豆湯。口感似我地嘅綠豆沙咁，但好多香料味道；好味。套餐個咖哩我地簡咗魚肉，另外再叫多個咖哩海鮮。雖然都係海鮮類，但2個咖哩味係完全唔同；唔太辣好香啱我口味。好值得讚嘅係，佢地用嘅海鮮材料唔係雪藏嘢；用新鮮料整。食咖哩當然唔小得配烤餅啦，跟餐同散叫嘅烤餅都好味。等下次天氣無咁熱時，可以再嚟試其它菜式。