新翠華茶餐廳

營業中

休息中

放假到朋友屋企打幾圈, 一係唔打一打就打到天昏地暗, 由晚間七點打到第二朝八點, 都好我係屬於贏家嘅一個, 雖然打得細, 贏輸都冇所謂志在大家happy, 但係贏咗就總係開心嘅, 由我請食早餐又點話。 就係咁樣 , 朋友就帶咗我哋去到呢一間茶餐廳食早餐。我見到好多食客都有叫菠蘿油, 所以我同樣都叫咗個菠蘿油試下咩味, 其實我好耐冇食過菠蘿油啦, 因為女仔怕肥呀嘛, 不過算啦, 久唔久先食一個我諗冇所謂呱, 唔好睇小呢個菠蘿油, 其實都幾重手㗎, 而且嚟嘅時候仲係熱嘅, 菠蘿酥皮好脆口, 麵包又夠軟熟, 甜甜地好好味, 夾埋件牛油真係正, 超夠港式風味, 如果硬係要講佢嘅弱點的話, 就係件牛油薄咗啲囉, 如果件牛油厚啲仲邪惡仲好味呀。