Bulldog Hotdog (廣福道) (已搬遷) 新店位置

呢間熱狗店其實成日經過，一直都無咩留意，咁岩有日同朋友講起大埔有咩好食，佢竟然大讚呢間熱狗店，好奇心驅使下，我第二日即刻去左食！我叫左個招牌熱狗，加左蕃薯條，因為係即叫即整確保新解，不過都唔算等左好耐，十幾分鐘有得食啦！見到個盒都覺得佢地好有heart，認真製作！一打開，好香呀！會唔會太吸引呀！而家睇返ｄ相都仲流緊口水。除左standard既包同腸之外，仲有肉醬、芝士同埋粟米片！好豐富呀！最重要係take away返屋企食，個包都仲keep住脆口唔會腍哂，抵讚！另外個蕃薯條同樣出色，岩岩炸起，忍唔住偷食左幾條，真材實料，正！返到去食雖然腍左小小，但另一番風味！而且份量夠，一個女仔應該食唔哂呀！總括而言，朋友好介紹，絕對會再encore!!