大卡司 (登打士街) (已結業)

平時行開旺角嘅登打士街，一向都有好多台式飲品或者手搖飲品嘅鋪頭。太花多眼亂有時都唔知揀邊一間好。同朋友行完街頭再行去街尾終於俾大卡司嘅鋪頭吸引左。佢今期推介做緊promotion嘅係菠蘿系列，有金鑽菠蘿百香果同金鑽菠蘿芝士奶蓋。因為近食飯時間唔想太飽肚又想飲啲比較果茶既飲品，所以就揀咗菠蘿百香果茶。甜度方面就揀咗半糖。等左5分鐘就有飲品啦。個茶有澀味好啱我心水，亦都唔係其他嗰啲揀半糖都好甜嘅程度。可以飲到菠蘿就真係有驚喜，啲菠蘿好甜又多完全可以彌補到茶嘅甜味。百香果又唔會太酸整體嘅平衡十分之好。下次又可以多個選擇去買嘢飲啦！