粒粒果甜品 (已結業)

早前同朋友食完麻辣火鍋後，想來一點甜。粒粒果甜品賣相好得意呢本來想點思慕雪系列， 有Chia seed嗰系列，影相超靚!!! 可惜可惜我地黎嘅時間太遲了，原來供應時間係1500-2000。想影相打卡嘅朋友記得早啲到!!!🔸草莓戀人🔸草莓永遠都係女孩子喜愛的生果之一。草莓戀人有小丸子，西米，椰果，士多啤梨雪糕和主角士多啤梨。士多啤梨微酸，好開胃，小丸子煙韌，唔錯唔錯!!🔸水果星球配椰汁西米🔸粒粒果另一打卡甜品就係水果星球!!! 有奇異果，芒果，西瓜等整成嘅星球波波，口感好Q彈，晶瑩剔透，配埋椰汁西米，好味!!店內仲有紅肉火龍果嘅龍珠星球和榴槤星球，都好啱打卡呢~🔸綠茶芭菲🔸綠茶雪糕味道都濃郁，紅豆粒粒分明，唔會一pat，加埋脆脆粟米片同底層嘅滑溜溜牛奶布丁，多重口感，正正子!!芋圓嗰啲都好吸引，可惜甜品胃已滿呢，下次再試先!!!