Promenade 西餐廳

營業中

休息中

衣家真係好少食自助餐，因為性價比低到爆，好多時琳琅滿目，攞到返埋位原來係除時中伏，不過因為母親節，於是就去咗呢一間。晚餐食早段5:30-7:30，每位$7xx，食物質素同款式都有驚喜。海鮮凍盤有青口、凍蝦、baby blue、麵包蟹同長腳蟹腳，質素算中上，長腳蟹腳d肉未算肥美，不過叫做入面瘦孟孟空氣多過肉，麵包蟹蟹蓋都有d膏啦。刺身有三文魚、吞拿魚、希靈魚、油甘魚、鯛魚、赤貝、帶子同阿根廷大隻刺身蝦，質素都好，最突出係油甘魚，好肥美，魚油好香，另外帶子同赤貝都出色，至於三文魚吞帶魚同鯛魚就係一般出面自助餐質素。扒有羊架同肉眼，羊架唔太肥，好食，肉眼就太多筋。其他貴價野就有中式蒸鮑魚、炆花膠、即開生蠔、芝士焗龍蝦(半隻)、煎鵝肝。呢啲都係一般質素，不過起碼叫做有啦。另有movenpick 雪糕同haagen daz雪糕bar。整體我覺得ok啦，食物質素同款式都有驚喜。