聚小館 (已結業)

今晚和老婆，閒逛到大角咀揾食。見到一小餐館。行去睇睇，老闆好熱情出黎介紹招牌菜，咁咪入去試試。坐低左即刻叫左BB鴿、辣子雞、菜脯蛋角、黑松露脆皮磨菇卷、青檸薑梳打。第一樣上既係黑松露脆皮磨菇卷，呢個真係必食推介，配埋青檸薑梳打，真係好正。接住上BB鴿、辣子雞、菜脯蛋角，每樣食物都有驚喜，估唔到係大角咀開左間咁好味既小館。今晚真係愉快又好味既一餐，下次一定再黎食，試埋其他未食既菜式。PS.記得試埋薑梳打，好有懷舊既感覺。