波士冰室

營業中

休息中

年近聖誕，同老公去銅鑼灣祟光行吓，睇吓有冇心水嘅聖誕禮物。之後行咗去利園山道，見到有間懷舊嘅波士冰室 ，見到餐牌都啱口味，價錢公道又冇加一，老公話不防入座試吓！深海魚柳漩渦蛋包飯：魚柳係即炸，熱辣辣好大條，外層金黃酥脆，魚肉雪白鮮嫩，用蛋做成漩渦包住白飯，蛋十分滑溜，加上特製咖喱醬汁，真係色香味俱全！凍檸樂加$6蚊，有埋冰底好抵飲。常餐波士瑞士雞翼撈公仔麵配炒滑蛋和丹麥多士：炒蛋嫩滑，丹麥多士酥脆，好香牛油味，雞翼嫩滑入味，公仔麵撈左醬汁彈牙惹味。加12有懷舊紅豆，紅豆林甜起沙，奶味香濃！星洲炒米：用料足，味夠香，我最鍾意係用咗銀絲米粉炒，特別爽口！