深味餃子 (已搬遷) 新店位置

經過荃灣又唔係太肚餓可以試吓呢間餃子店，佢開係好彩酒家隔離，喺享和街，位置唔算太方便，所以價錢都比較平民化。今日同朋友經過，就決定試一試佢，呢間店都唔係開咗太耐，仲記得先前呢個位係做火鍋生意。我最欣賞佢嘅煎餃！呢度有款煎餃好特別就係黑松露豬肉芝士，價錢都比較昂貴，$62/6pcs，但係我覺得一定要試一試，因為啲芝士煎完好香，有流心效果，再加上裏面個餡怖滿黑松露，非常香噴噴。煎餃外表金黃色，帶有雪花脆邊。除此之外我叫咗呢度嘅小食包括係蜜餞雞翼以及惹味鵝腎片，雞翼一共有五隻，外皮被蜜餞嚷得甜甜的，帶有酒香，雞翼煮得剛剛好，夠晒大隻。另外鵝腎也有其特色，不過不失。