上海姑娘 (已結業)

今曰我同屋企人想食上海野，又想食大閘蟹，所以決定去這間食!!其實之前都有朋友介紹過話d 小籠包，同二人餐幾抵食，所以決定試下!!我地叫左二人餐，同埋一個炒飯(河蝦仁什錦炒飯)，當然依家係大閘蟹時期，緊係要食大閘蟹，但好可惜無得食，唯有試下蟹粉小籠包噤二人餐，有雞絲粉皮，瑤柱上湯浸時菜，松子鮮魚塊，最後當然會有甜品啦!!當我見到松子鮮魚塊，我仲以為好酸，其實我最怕酸野，少少都覺得酸，但這個我覺得唔酸而味道剛剛好，真係幾好味，如果大家都好似我噤怕酸都可以叫依個黎食!!我食蟹粉小籠包，d 汁好好味而且要小心d 食，如果唔係會漏油，hehe 噤就唔好啦!!我食蝦仁什錦炒飯，我仲以為係乾炒添，其實有汁，而且d 料十足，亦好好味，搞到我係噤食!! hehe最後我地另外叫左個甜品係蕃薯糕，如果好似我噤唔係噤鍾意食蕃薯都可以試下，因為蕃薯味唔重囉，而且都幾滑，真係唔錯!!今餐食到好飽，唔怪知得我個朋友推介啦!! 你地都試下，而且都幾抵得!!