HAWKR (已結業)

呢間舖頭喺太古坊樓下開左半年左右佢推出左早餐set之後成為左我大愛佢既早餐set係一份三文治加一杯野飲我通常都係飲有奶咖啡 算係幾好飲我試過飲奶茶 但我厭茶包奶茶太過淡今日食左火腿扎肉三文治扎肉好香 而且帶淡淡既黑椒味值得一提既係平時唔鍾意太多醬料既我我覺得佢既醬好好味佢係類似沙律醬咁 但完全唔會膩而且佢令到個三文治帶少少濕潤啱曬冇咩胃口既朝早🥚另外一款三文治係蛋沙律佢既沙律醬陣味比平時食開既蛋沙律唔同冇咁油膩而且香d佢仲會配上碎既生菜 食起上黎脆脆地就多d層次二十幾蚊一份較高質素既早餐我覺得價錢好合理味道真係會食過翻尋味