鬼金棒牛骨辣麻拉麵 (已結業)

見鬼金棒開左新分店就過黎試下，聽講今次用牛骨做湯底😋店內用木系裝修，光猛舒服。時間尚早，唔多食客呢。⭐味玉辣麻牛骨拉麵自己點左呢款有溏心蛋的拉麵，湯底要小辣中麻😋有兩片牛叉燒同兩件牛筋腩，前者半肥瘦入口甘香，後者炆得軟腍，入口係黏口的感覺。溏心蛋勁流心，蛋味香濃。拉麵口感有啲似雲呑麵，爽口有咬口，湯底濃郁鮮味，小辣中麻啱口味😋⭐增量牛叉燒辣麻牛骨拉麵朋友愛肉，點了增量叉燒，仲加拉麵添😆湯底就要中辣中麻，嚐左一口，都唔係辣我個碗好多啫。多左肉又多左麵，朋友話食得好滿足，連湯都飲晒😋⭐日本生蛋黃拌飯見有生蛋拌飯又叫左一碗，蛋黃好深色好靚呀，仲有醬油同蔥，熱辣辣又飽滿的白飯，見到已想食🤤拌均後果真蛋香十足，每粒米飯都被蛋汁包著，金黃金黃的，正呀😍食得好飽好開心，拉麵配米飯就係正😘