小娘惹 (已結業)

聽聞附近有間鋪平日只做lunch時段， 而星期日亦只做三個鐘， 賣哂就無，咁巴閉一於試下先。招牌娘惹海蝦喇沙 $70麵底係有油麵及米粉，令你食落有雙重口感，而配料分別有獅蚶4粒、蝦3隻、魚片、豆卜及雞蛋等，用熟獅蚶做配料，比較特別，好少地方食到， 蝦大隻，爽但沒有蝦味。主角喇沙湯底， 用上十多款香料而成的， 椰奶味重，湯底細滑香濃而不辣，其實用黎撈飯食也不錯。正宗古早肉骨茶 $70等了又等， 由落單到上枱，足足等左25分鐘先有得食🙁。娘惹肉骨茶藥味好淡，易入口， 而肉就一嚿稔滑一嚿如煲湯肉一樣韌🙈。