影片
更多
2013-08-20
214 瀏覽
2月9日, 新開嘅希慎樓上有好多食肆, 有齊中西日東南亞式乜菜都有, 今日我地上咗去wired café呢間幾有特色嘅西日fusion餐廳~ 星期六有set lunch都唔算太貴, 仲有個幾大嘅景好光猛~::: 吞拿魚蓋飯 ::: $93吞拿魚飯上枱本身個賣相好似唔係咁好, d料好立立亂, 既好多菜啦、又照燒醬沙律醬又溏心蛋咁… 除咗菜, 就係嗰舊牛油果, 又望唔到d吞拿魚, 有d驚唔知會咩味… 不過, 好彩原來呢個蓋飯十分之美味, 其實可以話係什菜沙律配吞拿魚飯~ 圍邊嘅沙律菜撈撈沙律醬食, 菜幾鮮入口都算爽~ 而中間嘅飯, 吞拿魚蓉掍入其中, 吞拿魚嘅味道唔算突出, 不過口感幾好, 加咗照燒汁食成個飯都已經好夠味, 再撈埋隻溏心蛋, 整體味道好鮮好豐富, 配上埋十分鮮甜嘅牛油果, 好好味!::: 羅勒茄子肉醬意粉配餐包::: $93呢個所謂羅勒茄子肉醬意粉都算認真孤寒… 茄子只係如圖示細細粒得四、五塊, 肉醬嘅肉更加係少之又少… 雖然料少, 但好彩個醬都叫做幾好食~ 質地濃杰適中, 茄味鮮甜豐富, 撈埋煮得剛好嘅意粉都幾好味! 餐包其實係一片薄薄嘅法包, 又無乜汁點, 橄欖油又唔夠
::: 吞拿魚蓋飯 ::: $93
吞拿魚飯上枱本身個賣相好似唔係咁好, d料好立立亂, 既好多菜啦、又照燒醬沙律醬又溏心蛋咁… 除咗菜, 就係嗰舊牛油果, 又望唔到d吞拿魚, 有d驚唔知會咩味… 不過, 好彩原來呢個蓋飯十分之美味, 其實可以話係什菜沙律配吞拿魚飯~ 圍邊嘅沙律菜撈撈沙律醬食, 菜幾鮮入口都算爽~ 而中間嘅飯, 吞拿魚蓉掍入其中, 吞拿魚嘅味道唔算突出, 不過口感幾好, 加咗照燒汁食成個飯都已經好夠味, 再撈埋隻溏心蛋, 整體味道好鮮好豐富, 配上埋十分鮮甜嘅牛油果, 好好味!
::: 羅勒茄子肉醬意粉配餐包::: $93
呢個所謂羅勒茄子肉醬意粉都算認真孤寒… 茄子只係如圖示細細粒得四、五塊, 肉醬嘅肉更加係少之又少… 雖然料少, 但好彩個醬都叫做幾好食~ 質地濃杰適中, 茄味鮮甜豐富, 撈埋煮得剛好嘅意粉都幾好味! 餐包其實係一片薄薄嘅法包, 又無乜汁點, 橄欖油又唔夠, 又唔夠脆, 乾爭爭咁…
::: 朱古力布朗尼蛋糕配雲尼拿雪糕 :::
甜品我地都要咗呢個, 朱古力brownie味道尚欠少少濃郁, 不過都ok, 雲尼拿雪糕看似普通, 但係食落幾滑, 仲好香雲尼拿味, 加上裝飾嘅朱古力醬, 味道可謂更上一層樓~
::: 凍咖啡 + 凍奶茶 :::
凍咖啡嘅啡味濃, 唔駛加奶都已經好香, 但係唔會太過苦, 另外亦都好夠冰凍, 透心涼! 凍奶茶一貫西餐質素, 自己落奶搞到茶同奶比例失衡, 普普通通啦…
呢間日式西餐廳嘅食物都幾特別, 味道亦十分有水準, 只係個份量可以多番d~ 座位夠闊, 地方都寬敞, 加上個幾大嘅景, 日頭嚟會好光猛, 夜晚亦不失情調~ 我地會再嚟試佢地嘅其他食物~
張貼
