影片
更多
2015-12-05
1403 瀏覽
有朋至遠方來，希望食特別野？咁先黎試陳六記招牌碳燒五層樓燒肉啦！難得北上黎到我地盤，當然由我搵定位先，飯市食客甚多，唔想坐路邊、唔想搭枱，等左十分鐘終於有位喇，但只得張大枱囉。坐低無耐，朋友們都未到已經有個大陸婆帶住香港佬搭多件 BB 搭枱，好吵耳啊！好采有野食時都靜左落黎啫。雪耳冬菇豬骨湯，燒味店既例湯一向無得輸，大量下欄豬骨豬肉掉去餚湯，味精都慳返，好飲例湯堅美味，冬菇滑彈、雪耳嫩滑，成窩清晒一滴不漏。碳燒五層樓燒肉例牌，除左第一次既時候有驚嘆既感覺外，之後翻卓過幾次，越食越覺得平庸乏味，不過佢既賣相及傳說又真係好吸引既，但試多幾次後會覺得不外如是，而且我又喜歡四圍走四圍試，食過更好味既燒肉呢。都唔難食既，大路皮脆肉嫩，咸香合格，但比上次差左少少，硬係覺得欠缺左鮮味囉，味道好陰沉，無咩活力！真係每食一次就差一次，硬係覺得隔夜唔新鮮，硬係覺得翻燒，層皮好假又好硬，係就係做到五層，賣相都一流，但點解無豬肉鮮甜味架呢？肉汁欠棒，味道死實，食完一舊已經唔想食第二舊，失望。蒜子大鱔煲，好好味，居然有驚喜！當唔知食咩既時候一枱起頭就望到大鱔煲，係您喇！鱔轆肉質結實，爽滑係極新鮮既證明，燒肉跟麵
有朋至遠方來，希望食特別野？咁先黎試陳六記招牌碳燒五層樓燒肉啦！難得北上黎到我地盤，當然由我搵定位先，飯市食客甚多，唔想坐路邊、唔想搭枱，等左十分鐘終於有位喇，但只得張大枱囉。
坐低無耐，朋友們都未到已經有個大陸婆帶住香港佬搭多件 BB 搭枱，好吵耳啊！好采有野食時都靜左落黎啫。
雪耳冬菇豬骨湯，燒味店既例湯一向無得輸，大量下欄豬骨豬肉掉去餚湯，味精都慳返，好飲例湯堅美味，冬菇滑彈、雪耳嫩滑，成窩清晒一滴不漏。
碳燒五層樓燒肉例牌，除左第一次既時候有驚嘆既感覺外，之後翻卓過幾次，越食越覺得平庸乏味，不過佢既賣相及傳說又真係好吸引既，但試多幾次後會覺得不外如是，而且我又喜歡四圍走四圍試，食過更好味既燒肉呢。都唔難食既，大路皮脆肉嫩，咸香合格，但比上次差左少少，硬係覺得欠缺左鮮味囉，味道好陰沉，無咩活力！
真係每食一次就差一次，硬係覺得隔夜唔新鮮，硬係覺得翻燒，層皮好假又好硬，係就係做到五層，賣相都一流，但點解無豬肉鮮甜味架呢？肉汁欠棒，味道死實，食完一舊已經唔想食第二舊，失望。
蒜子大鱔煲，好好味，居然有驚喜！當唔知食咩既時候一枱起頭就望到大鱔煲，係您喇！鱔轆肉質結實，爽滑係極新鮮既證明，燒肉跟麵醬既咸香已完全浸入鱔肉每個細胞，香甜惹味，而且肉汁豐富，令到肉質更滑，滿分！燒肉、冬菇、竹筍、腐竹都十分美味。
西蘭花雙魷，都唔差，滿意！西蘭花超級爽甜又夠熱，唔會生都似沙律、唔會腍到似漿糊。乾魷嘋濃帶鮮、鮮魷爽滑帶甜，無投訴！囃囃囃、囃囃囃，無晒！添少少蝦醬點綴更有風味。
清湯蘿蔔牛腩煲，點解會係咸菜胡椒湯呢？仲要微暖唔夠熱。而且味道完全唔夾，牛腩帶強羶味，大大舊又非常結實，麻麻地。蘿蔔無味，勁搞笑。
椒鹽鵝腸，從未試過，令我諗起十幾年前係深圳食既椒鹽沙蟲，外觀有幾分相似。炸粉太多，炸到乾硬又唔多食到鵝腸，欠了蒜蓉、辣椒既香口惹味呢，一試無妨，椒鹽沙蟲更好味。
燻蹄油雞髀飯，燻蹄大部份都係皮而瘦肉少，浸醋食都唔錯，撈埋飯食好美味醒胃。油雞豉油味清香帶微甜，不過咸又不嗆，滿意。雞肉質地較硬實，皮薄滑溜，合格。燒味豉油、蔥油、雞肉、燻蹄撈埋飯一齊食都算好食，起碼比燒肉好，雖然每樣食材其貌不揚、質數平平，但團結一致都能發揮所長，好食。
陳太本來 order 燒鴨叉燒飯，點知侍應阿姐落錯單比左燒肉叉燒，當然要求換啦！已經有碟燒肉，唔洗再燒肉喇。點知阿姐嘴妙妙唔想換，仲話雖然有碟燒肉啫，碟飯都係多幾舊之麻。我地都話要換咯，人家要既係燒鴨唔係燒肉呀！講咁多咁又係要攞返去換，浪費時間！
張貼
