樂園 (已搬遷) 新店位置

見到係得獎食店，所以一試，經openrice訂枱，然後職員會WhatsApp 叫我落$300訂金，先至可以真正訂到枱，否則會被取消。入到店內，感覺有點像家庭式餐廳，裝修環境非常簡單，傢俬款式好普通，好彩有得意貓貓可以令客人轉移視線，氣氛還可以。芝士流心旦，用煙肉包住做成批邊，內有芝士同流心旦，好味，法蘭克福腸、伴沙律食嘅芝麻醬同茄汁係現成製成品，沒有特別，沙律菜同薯角都係基本食物，價值$168，感覺有點不值。黑松露鵝肝意大利飯，有黑松露一定香，鵝肝煎得不夠香脆，意大利飯的煮法比較港式稔身，味道濃而偏鹹，沒有正常意大飯的咬口，不值$198。總結，食物味道合格，可能地區租貴，店內環境同食物真的不值這價錢，如果每樣食物大約$100～$120，我都會再去，另外，沒有免費水，要飲水就要俾$25買一枝細嘅法國礦泉水，要加餐湯飲品，最少要加$68，所以加加埋埋，平均一個人要$300，真係唔值。