Quattro's Kitchen (已結業)

曾幾何時日日都行住太古嘅Aeon等阿仔放學，都有一段時間冇嚟行，趁睇家品嘅時候就順便嚟行個圈。唔行都唔知，原來3樓有間好有格調又坐得舒服嘅西餐廳，所以就入去食個LUNCH啦~LUNCH SET都有好多選擇~先嚟送上熱辣辣嘅餐包，佢烘得外脆內軟，係非一段嘅餐包~餐湯我就UPGRADE左做龍蝦湯，佢係用真料實料嘅龍蝦頭熬製，夠晒Creamy又味道又濃郁，入面仲有同埋一隻大蝦，好豐富呀~主菜就嚟 香煎羊西冷配馬來椰香咖喱，真心覺得佢個羊西冷質素唔錯，羊西冷煮到啱啱好，肉質保持軟嫩之餘又帶點點羶香味，啖啖肉好食。而且我覺得啖啖咖喱椰香味配羊西冷一齊食，更加點帶羶香味，可以話另有一番風味~跟餐升級左杯凍白桃梳打特飲，白桃甜香加埋入面有唔好多椰果，好飲之餘又有咬口添~最後當然唔少得食返個甜品等自己開心下，所以叫嚟左個日式芝士蛋糕配雪糕，輕盈嘅芝士蛋糕，質感鬆軟又唔會好甜，入口唔會覺得膩滯，所以依個飯後甜品絕對唔會好邪惡呢~