珍意泰國菜館 (已結業)

朋友介紹筲箕灣東大街有間唔錯嘅泰國餐廳，仲話海南雞飯幾好食，於是lunch就去左試試。.平日午市時間都幾多打工仔幫襯，唔想等位的話就記得要早啲過嚟。坐低左之後就叫左一份海南雞飯，落單無耐好快就送到，非常有效率。油飯食落有油香，份量都幾多所以最後食剩大半，下次可以叫少飯減少浪費。雞肉份量都同樣足料，仲要喺啖啖肉的部位，肉質嫩滑，調味好入味，朋友果然無介紹錯。跟餐仲有碗消暑解渴嘅冬瓜湯，味到清甜唔覺有味精，十分解渴。海南雞飯價錢唔貴，份量又多，真喺幾抵食！下次有機會再試埋其他泰式小菜。