阿里山 (逸酒店) (已結業)

經過紅磡見到呢間好搶眼粉紅色嘅古早味蛋糕專門店，仲傳出陣陣蛋糕香，一於入去幫襯下。中午時分剛剛出爐有肉鬆同埋芝麻味。賣相好唔錯，芝麻味仲有雲石嘅花紋。店員都好熱心介紹佢哋蛋糕嘅材料。雞蛋係精心挑選過同每隻都有沖洗，絕對衛生。仲話個紙盒用啲可食用顏料印刷，而膠袋都係用啲環保物料😆😆 好helpful 有服務。 返去熱辣辣即刻試吓，芝麻味好香甜度啱啱好，至於肉鬆就好有蛋味，中間同上面都有夾層肉鬆好脆口，比起就咁原味嘅豐富得多😃 兩款蛋糕嘅質地都係好軟熟同濕潤！又一間推介嘅古早味蛋糕！