影片
更多
2023-10-26
1421 瀏覽
星期六同老公同開鑼灣禮頓道，路經一間正宗越南餐廳，所以就入去食左個越南午餐啦！餐廳裝修都偏向簡潔，但就更加突出牆上嘅壁畫同小飾物，充滿越南特色。餐廳嘅午餐種類都有好多而且都幾抵食，飯、檬、炒河..仲有法包，可以話想食乜都得，我地就每人叫左一個午餐，另外就加配左啲小食。老公嘅 牛坑腩湯河 ，牛坑腩口感軟腍，而且肥瘦好適，仲非常入味。而湯底不油膩，食完唔會有口渴感覺(即係冇乜味精)，再加埋豐富嘅配菜一齊食，整體上唔錯哦。我就嚟一個 肝醬豬頸肉法包 ，暖暖嘅法包外層鬆脆而內層軟綿，鮮嫩多汁嘅豬頸肉加埋鵝肝醬同配上酸蘿蔔絲一齊食，超正嘅口感同味道，唔怪之得我見同場都有好多食客都點依個。另外我地仲叫左兩個小食，先嚟老公大讚嘅 越式炸春卷 ，完全係即叫即炸，但佢又唔會炸得好油。脆卜卜嘅春卷皮包住大量配菜同蝦肉，超好味。仲有 香茅雞翼，同樣係即叫即做所以送上嚟時都係熱辣辣嘅，雞翼皮脆肉嫩，而醃出嚟嘅香茅味都好香濃。最後就當然唔少得叫左兩杯解渴清新嘅 青檸梳打 同埋 咸梅青檸梳打 特飲啦
餐廳裝修都偏向簡潔，但就更加突出牆上嘅壁畫同小飾物，充滿越南特色。
餐廳嘅午餐種類都有好多而且都幾抵食，飯、檬、炒河..仲有法包，可以話想食乜都得，我地就每人叫左一個午餐，另外就加配左啲小食。
老公嘅 牛坑腩湯河 ，牛坑腩口感軟腍，而且肥瘦好適，仲非常入味。而湯底不油膩，食完唔會有口渴感覺(即係冇乜味精)，再加埋豐富嘅配菜一齊食，整體上唔錯哦。
我就嚟一個 肝醬豬頸肉法包 ，暖暖嘅法包外層鬆脆而內層軟綿，鮮嫩多汁嘅豬頸肉加埋鵝肝醬同配上酸蘿蔔絲一齊食，超正嘅口感同味道，唔怪之得我見同場都有好多食客都點依個。
另外我地仲叫左兩個小食，先嚟老公大讚嘅 越式炸春卷 ，完全係即叫即炸，但佢又唔會炸得好油。脆卜卜嘅春卷皮包住大量配菜同蝦肉，超好味。
仲有 香茅雞翼，同樣係即叫即做所以送上嚟時都係熱辣辣嘅，雞翼皮脆肉嫩，而醃出嚟嘅香茅味都好香濃。
最後就當然唔少得叫左兩杯解渴清新嘅 青檸梳打 同埋 咸梅青檸梳打 特飲啦
張貼
