新牛屋餐廳 (已結業)

細個屋企人都有帶過我黎呢間喺佐敦道既扒房， 估唔到 喺依家嘅香港社會 咁貴嘅租金，以佢餐牌嘅價錢，佢都仲可以屹立不到繼續生存。而且佢啲晚餐仲有好多款式供你選擇，除咗晚餐仲有好多小食可以揀添。點咗個85蚊嘅黑椒惑仔牛柳套餐，有湯有餐包跟埋，幾十蚊有個扒食 真係超級抵。個羅宋湯都幾足料不過稍為肥咗少少。個餐包真係值得一讚， 焗到脆卜卜熱辣辣 中間中已經幫你加埋牛油， 好好味呀!個餐跟咗意粉， 都好大碟下，牛柳有兩大塊意粉一大份， 包你食完一定飽。雖然話幾十蚊個扒餐，但係佢個 鑊仔牛柳 質素一啲都唔會差， 夠曬腍， 仲好香牛味添。