影片
更多
2010-03-18
34 瀏覽
第一個食評…今晚黎左名苑酒家度食左個勁豐富既晚餐..多謝openrice!清宮明火雞煲翅: 呢碗翅好足料, d 翅係一梳梳gar. 個湯底好夠味, 好明顯係煲左好耐, 最鐘意佢個湯底夠晒清同埋湯面一d 油都無gar.XO醬碧綠炒雙蚌: d 蚌炒得夠爽口, 同好鮮甜, 但係略為咸左d, 用黎餸飯應該就岩岩好.北方菓木烤紐西蘭羊鞍: 呢個做得麻麻地, 一來佢地落左好多黑胡椒, 蓋晒羊肉既羶味. 同埋佢地切走晒d 肥膏,整走晒d羶味, 對唔鐘意食羊肉有羶味既人可能會好岩既. 仲有就係佢d 肉煮得太過熟, 搞到d 肉好硬.名廚古法三頭鮑魚扣花膠: 一睇佢個賣相就已經好掂, 仲要個大廚即場烹調, 夠晒吸引! 上次食原隻切既鮑魚喺係利苑, 我覺得呢度做得出色過佢地, 一黎因為佢隻鮑魚煮得夠軟身, 同食落夠彈牙. 最重要係佢個汁做得好好, 夠晒濃. 亦都係因為個汁, 平時唔太好鵝掌既我都覺得佢隻鵝掌好好味!豉油皇生煎海花竹蝦: 隻蝦炒得好香, 夠乾身, 唔太咸, 味道岩岩好. 雖然隻蝦無咩膏, 但係就夠爽, d 肉唔會諗pat pat. 不過如果佢地之前做多小小工夫, 清埋條蝦腸會仲好!龍躉:
清宮明火雞煲翅: 呢碗翅好足料, d 翅係一梳梳gar. 個湯底好夠味, 好明顯係煲左好耐, 最鐘意佢個湯底夠晒清同埋湯面一d 油都無gar.
XO醬碧綠炒雙蚌: d 蚌炒得夠爽口, 同好鮮甜, 但係略為咸左d, 用黎餸飯應該就岩岩好.
北方菓木烤紐西蘭羊鞍: 呢個做得麻麻地, 一來佢地落左好多黑胡椒, 蓋晒羊肉既羶味. 同埋佢地切走晒d 肥膏,整走晒d羶味, 對唔鐘意食羊肉有羶味既人可能會好岩既. 仲有就係佢d 肉煮得太過熟, 搞到d 肉好硬.
名廚古法三頭鮑魚扣花膠: 一睇佢個賣相就已經好掂, 仲要個大廚即場烹調, 夠晒吸引! 上次食原隻切既鮑魚喺係利苑, 我覺得呢度做得出色過佢地, 一黎因為佢隻鮑魚煮得夠軟身, 同食落夠彈牙. 最重要係佢個汁做得好好, 夠晒濃. 亦都係因為個汁, 平時唔太好鵝掌既我都覺得佢隻鵝掌好好味!
豉油皇生煎海花竹蝦: 隻蝦炒得好香, 夠乾身, 唔太咸, 味道岩岩好. 雖然隻蝦無咩膏, 但係就夠爽, d 肉唔會諗pat pat. 不過如果佢地之前做多小小工夫, 清埋條蝦腸會仲好!
龍躉: 一碟花心思同手工既菜, 將成條魚起肉之後先蒸, 蒸既時間岩岩好,唔會過老, d 肉夠厚身同好滑. 仲有佢d 豉油係精髓, 做得好正!! 但係我厭佢贊得太多熟油, 食完之後口個碟底剩左好多油. 同埋佢加左d 貓耳朵(細既木耳)墊底, d 木耳好爽, 不過其實我唔太明點解佢地要將木耳配埋d 魚一齊.
金柱鮮竹泡翡翠: 簡簡單單既一個菜, 佢個上湯做得好好, 好清甜.
黃金脆皮文昌雞: 好難得食炸子雞, d 雞肉仲係滑既, 一d都唔鞋口! 可能係因為隻雞夠肥喇!
西施龍蝦肉泡飯: 呢個同利苑個泡飯比, 個湯好味d, 因為加左d龍蝦肉落去煮, 個湯夠晒甜. 不過我略厭佢d 鍋巴唔夠多, 如果多d 會仲好食!
宮廷桂花糕: 佢地既桂花糕有d 唔同出面一般既整法, 呢款係梅花間竹咁一層椰汁,一層糕花. 食落唔太甜, 有椰汁又有桂花既香味!!
燕窩椰汁壽桃包: 雖然已經食到好飽, 但係我覺得呢個包係今餐最好食既. 從來都未食過用椰汁整既流沙包, 我鐘意佢唔似食奶黃流沙包咁食落好膩, 佢個餡好重椰汁味, 好香滑, 唔太甜!!! 而且要一讚既係佢個包做得好軟熟, 雖然佢個餡咁濕, 但係佢個包唔會濕立立, 唔會黐牙!!!超正!
北海道3.6牛乳芒果布甸: 個賣相好ok, 食落都好ok….勁多芒果肉!
生磨蛋白杏仁茶: 好好味! 平時好怕食出面既杏仁茶, 因為落左好多香精, d味好假. 呢個食得出佢無加任何香精, d 杏仁茶有天然既香味, 仲有好多蛋白tim!!!十幾蚊蜿係出面一定食唔到.
張貼
