森泰遠甜品餐廳 (已結業)

今日放假，朋友帶咗我去一間位於觀塘工業中心的上樓食店食甜品，森泰遠甜品餐廳，一聽個名就知道係專門賣甜品。今日叫咗法式蛋奄列，聽個名都覺得好浪漫🥰法式蛋奄列好鬆軟，像疏乎厘pancake，甜度剛剛好，配上多款生果包括士多啤梨、紅青提子、藍苺，賣相好colorful。另外，朋友叫左桂花鮮奶燉蛋白，甜度剛好，桂花味好香，燉蛋白夠滑，鮮奶燉蛋白就食得多，加桂花又好少見。之前朋友嚟食過榴槤炸雞，原來下午茶時段係冇㗎，基於我同朋友都好鍾意食榴槤，今日老闆聽到我地好想食，特別為我哋做一個😋炸雞香脆可口，裏面包着榴槤肉，真係好特別，冇諗過炸雞可以同榴槤夾埋一齊做一個小食😆特別一提，呢度嘅環境裝修令人有一種好舒服嘅感覺，疫情之下，亦會為客人探熱先至可以入去。