炭家 (已結業)

呢間啲鰻魚飯超好食，已經encore咗一次！環境雖然細，但坐位有空間感，最好book定位， 平日lunch time好多人排隊。價錢有啲偏貴，但係水準相對地高！套餐包咗前菜、茶碗蒸、日式清湯同白飯。廚師係即叫即燒，廚房有透明玻璃，可以望到廚師專心地燒鰻魚，好食嘅嘢就預咗要等少少時間。厚身嘅鰻魚有一陣炭香味，配上甜甜地嘅鰻魚汁，再加日本米，真係食唔停口，完全唔會食到骨。呢間我認為係香港數一數二有水準嘅鰻魚飯，值得一試。