辣得過癮

營業中

休息中

以為清真食物只係無豬肉咁簡單，老闆娘話食材來源同處理都好講究，長知識。一邊等一邊同老闆娘傾，了解到佢開呢間店嘅原因。除左方便購買清真食物，佢仲想畀人知道清真食物都有好多選擇，都可以食漢堡包同Pizza㗎。🍔FISH BURGER W/Fried & Coke $53即叫即整，就算返到屋企先食，魚柳仲脆。醬汁同平時食開係有啲唔同，有啲香料味。🍟薯條都係即叫即炸，配上椒鹽，幾特別。忍唔住即刻食左幾條，真係唔使茄醬都好味😋。咖哩什豆飯 $40唔知叫咩名，辣辣地，無肉，咖哩汁。第一啖唔辣，香料味濃郁，越食越辣，不過又辣得好過癮，一啖接住一啖，食唔停😆。CHEESE PIZZA 9” $65薄批，同平時Pizza味道有啲分別，清真風味，幾特別。我鐘意芝士蕃茄呢啲基本組合，芝士唔算多，唔係好拉絲。💬經濟抵食之選，真係朗屏站下面1-2分鐘路程。唔想等可以先打電話落單，自取跟住就搭西鐵，勁方便。