囍越 (屯門市廣場) (已結業)

晚飯時間又去左屯門市廣場搵食，今晚想食炒粉麵。唔太肚餓嘅話，通常都會叫一個炒粉麵加一碟菜，感覺好似會平衡d。今次叫左個冬蔭公炒金邊粉同埋蒜蓉炒椰菜苗。之前都曾經喺呢間食過佢嘅椰菜苗，廚師本身炒得比較生，我諗係為左保持佢嘅爽脆。我地就嫌佢硬左少少，今次落order嘅時候特意要佢炒耐d，咁就可以淋d。果然今次真係淋d，不過d菜望落去顏色相對上就無咁靚喇，味道就無影響嘅！至於冬蔭公炒金邊粉有d驚喜wor，雖然佢餐牌上面係寫住辣嘅，食落又唔覺得辣，而且仲有冬蔭公嘅香料味tim，好惹味又唔會太辣，不過食到個底就覺得油左少少，如果少番d油可能會好d d。