水門雞飯 (百宜樓) (已結業)

呢間水門雞飯聽講一開既時候都幾多人排隊， 今日撞岩放假入屯門行下，經過竟然冇乜人， 咁梗係試試佢睇下係咪真係咁值得排長龍!呢度裝修係簡約路線，全部都係鐵枱鐵櫈，都幾有泰國街頭小店既風味叫咗個海鮮冬陰功湯金邊粉， 冬陰功湯超級濃， 仲超級足料， 五十幾蚊碗粉又有青口又有蝦又有魷魚，真心抵食!另外叫多咗個泰式炒通菜， 分量都唔少，唔會太油，簡簡單單基本調味料，夠鑊氣，成碟仲保持青綠👍🏻係真泰國風味!野飲除咗汽水仲有成十幾款特飲， 今次揀咗芒果冰， 芒果味濃，唔會死甜， 唔似係加勁多糖水個d假味沙冰，廿零蚊完全合理整體嚟講對呢間新餐廳都幾滿意， 價錢公道又真係幾有泰國風味，值得食下