鳴橋燒肉料理 (已結業)

鳴橋燒肉料理餐廳不算很大，但具日本風情。餐桌分兩邊，座位都頗舒適。餐廳提供刺身及燒肉放題，一個價錢，就享受兩種放題！餸菜款式唔係算好多，但勝在樣樣俱全。入面坐都唔係好多人，平日夜晚已經坐爆曬，入面燈光柔暗，好似去了日本嘅燒烤店。放題當然少不了刺身啦～ 甜蝦，帶子，北寄貝，鮑片，大蝦，秋刀魚等等，應有盡有，鮮甜可口，性價比高啊！刺身很新鮮，不用點太多的芥辣和豉油也很好吃。三文魚頭湯配料十足，我好喜歡，所以都叫了兩碗。燒羊架我覺得係咁多肉之中最好食，而盤底會用一張牛油紙，冇咁容易癡底同窿。一口和牛，肉味濃郁，入口即溶。鹽燒牛舌，非常爽口，口感一流。海鮮燒有牛油蒜蓉青口, 小墨魚細細地，帆立貝，三文魚骨，新鮮幾好食，而且冇咁滯。海鮮類的虎蝦，大大隻，肉質爽口彈牙，鮮味十足！炸物方面點了餃子、一口蕃薯、野菌天婦羅。 餃子配以燒汁，味道一絕，番薯僅是十分香甜。炸蝦熱辣辣，脆卜卜，非常好味。呢度仲有埋涼茶提供，還是自家製涼茶，他們的涼茶是羅漢果茶，咁就唔怕熱氣。最後是這裏的雪糕，個人很喜歡抹茶，所以點了兩個，也一如以往的有濃濃的抹茶味，很好吃。