聰嫂私房甜品 (已結業)

好耐無食過聰嫂，發現原來而家人流唔多，完全唔洗等位就可以入去食。款式正路，都算幾多既。以前成日食龍眼冰。而家大左，又無咁想食冰既野。老公要左薑汁芒果豆腐花，我就決定要個芝麻糊燉蛋白。芝麻糊燉蛋白幾好食既，不過都無太大驚喜。蛋白幾滑，芝麻糊唔會太甜。老公既薑汁芒果豆腐花就認真地好麻麻。薑汁味係幾濃既，不過同芒果好似唔太夾，加上凍凍地既薑汁又好似有啲怪。不過豆腐花算滑，芒果都幾甜，不過後好少片。搞到老公係咁偷我個甜品食。