Glasshouse (形點 I)

營業中

休息中

同家人（3大人+1bb)在Yoho mall行完街，搵地方食下午茶，見到這間店門幾靚、幾大咁，覺得應該坐得幾舒服。當日都有1/3客人，好快被安排入座，不過bb櫈就是可能得一張，所以侍應俾左墊高的小孩櫈（無安全帶）俾我個1歲仔仔，好彩我地自己有私家的。有bb的家庭需要留意下。食物方面，我地叫左4個下午茶餐+2件cake（諗住當午餐), 分別係雞扒烏冬、菠蘿火腿pizza, 煙三文魚意粉、生果沙律。烏冬份量算ok, 味道也不錯。菠蘿火腿pizza份量尚可，不過質量差一點，很軟身，賣相麻麻。生果沙律味道一般，不是罐頭生果，不過也不算新鮮。意粉賣相可以，份量卻少得可憐,唔知係唔係我比較大食，基本上是食5-6口已經完成。飲品方面，份量、味道尚可。至於蛋糕方面，以下午茶餐可以加半價揀蛋糕，cake 的份量ok,其中Oreo cake 味道不錯，cheesecake 就偏淡。埋單$365，每人$120左右，以份量、味道計，唔太抵。