Kim's Spoon (MegaBox) (已結業)

行街行到攰攰地，突然想食韓式野，見到間餐廳大大間，應該都坐得舒服，所以拿左飛等。等左幾張枱就到，我地唔係韓燒，就咁散叫食物。叫左炸豬扒紫菜卷、牛肉水冷麵、醬油炸雞。前兩者都算是「餐牌推介」，可惜令人失望，因為炸豬扒紫菜卷，賣相尚可，豬扒偏乾，味道一般。牛肉水冷麵賣相好麻麻，味道偏淡，淡如水，牛肉好少。醬油炸雞，無乜肉汁，炸粉幾厚，無乜肉食。食到一半，先留意到無俾前菜，所以要同侍應講，侍應無乜表情咁拿前菜俾我地。埋單$290，應該無下次。