千家客 (已結業)

尋日去考試, 因為試場喺嗰頭, 所以特意搵呢間嘢 - 一直宣傳係傳統口味嘛...入去即叫招牌食物雲吞麵啦. 嚟到, 份量算係差唔多, 雲吞SIZE叫做正常, 第一時間即刻試個湯頭, 第一啖真係食到兒時味道, 佢好似真係用豬油, 份香味真係令我好開心, 但係味道真係淡囉...跟住食個麵, 似乎真係有用油撈過, 夠滑又真係幾彈牙, 蛋味可能因為小弟條脷冇咁叻, 唔多覺有蛋香...再講返食雲吞麵梗係要用浙醋同辣醬或辣油, 但傳統雲吞麵我就喜歡辣醬多D, 但佢唔係用余均益, 而且都因為唔想破壞湯頭, 特意落得少D浙醋, 少辣油同辣醬, 但係結果破壞咗個湯頭, 而且食到鹼水味了...跟住食完俾錢, $32 大元嚟講可能佢出咗名D租貴咗, 但係如果用返余均益同個湯頭濃返D先覺得值囉...可能都係一次起兩次止了...