小王牛肉麵 (已結業)

放工到德福廣場逛逛，行到咁上下，又到揾食時間，今次揀咗位於二期嘅《小王牛肉麵》。店舖面積不大，座位與座位之間相距有點逼。叫咗碗原汁牛筋麵 ($56)，大大碗上枱，湯底味道濃郁，我揀咗手切麵，煙煙韌韌有咬口，牛筋份量都好足，炆得夠腍夠入味。另外加咗個台式小食鹽酥蚵仔 ($36)，炸好即上，熱辣辣好吸引，外脆內軟，滋味不俗。唯獨是蠔仔太細粒，食落冇蠔味，略為失色。呢度D食物口味較重，食完之後有點口乾，所以追加一杯冰凍嘅胚芽珍珠奶茶 (跟餐減$10)，味道唔錯。