石屋咖啡冰室

營業中

休息中

如果唔係朋友介紹，我都唔知九龍城有一個咁得意嘅博物館，博物館裏面有間咁有特色嘅餐廳。不過因為疫情關係，博物館冇開，有點可惜，幸好餐廳都有自己嘅懷舊特色，有幾個打卡位。叫咗一個全日早餐，價錢都唔平，飲品要咗一杯朱古力咖啡。炒蛋味道比較驚喜，裏面竟然嫩滑，牛角包可以揀多士，口感鬆軟，尺寸夠大，抵讚。茄汁豆、腸仔、沙律就比較普通。朱古力咖啡唔會太淡， OK。朋友叫咗一個煙三文魚牛油果多士，佢話味道正常。餐廳裏面座位比較少，主要靠外面嘅室外座位，但用膠枱膠櫈感覺覺差，檔次低，建議餐廳換上比較高級少少嘅桌椅，成件事會理想好多。總括黎講，食一次無妨，特登再嚟就應該唔會。