聚聚 (已結業)

見平時經過都無試過新商場開既餐廳，一心諗住試下，無諗過有驚喜。聚聚，呢個名都幾有意思,相聚嘗聚。佢哋岩岩新開幾日，啲野食味道都唔錯同有特色。多數係點心變左係主菜，份量唔少，最有驚喜係佢哋既土豪雪茄春卷，奇趣蝦多士同土炮安格斯叉燒。其實性比都高，值得一試，亦希望佢哋可以保持到水準。但略嫌佢哋甜品整得比較甜同份量細，比較係法式焦糖燉蛋好細細個仲要太甜，要飲幾啖菜先可以沖淡甜味。其實佢地整體真係不錯，但都有進步空間。