心夜來潮 (已結業)

潮州菜都係其中一樣我幾鍾意食嘅菜式，有時同屋企人會食；有啲朋友更加好鍾意食潮州打冷等等。旺角呢一間上樓嘅潮州菜，環境裝修有啲古典風味，見到有炸饅頭，即刻忍唔住叫，原來都有好多一小舊，炸得金黃香脆，點埋煉奶真係好好食。牛肉餅冇得頂，啲牛肉好特別，一個個牛肉餅非常爽口，同平時嘅唔同；而且加埋啲韭菜非常之香。我覺得喺呢度必點嘅一個菜。另外我哋仲叫咗東風螺，細細粒，而且份量好多。唔好睇落去好似唔辣咁，食落去真係好幾辣下。叫咗煎蠔餅，好大個，非常之香脆，入邊仲有好多蠔。一個份量真係好多兩個人食都好飽。