小樽分子 (已結業)

兩人食完狀元樓想食甜品, 就入左小樽。店內甜品好多都好有特色, 雖然唔知好唔好食, 但係賣相係一流!我地兩個叫左一個咖啡仔同埋蘆薈果凍配芝麻果凍。咖啡仔:賣相一流, 味道普通, 口感唔得。咖啡仔好有咖啡味, 可惜有小小咖啡酸, 換過d咖啡會好d, 但係口感唔係太得, 好實, 唔得軟滑。蘆薈果凍配芝麻果凍:蘆薈果凍賣相同味道同口感都非常好, 只係個芝麻果凍太芝麻。蘆薈果凍個味道好正, 好有清新gei感覺, 蘆薈新鮮爽口; 唯一舊太大, 切開佢上會好d。芝麻果凍用芝麻糊底糖果凍面, 中間係芝麻, 但係太芝麻喇! 我好鍾意食芝麻糊都覺得佢太多...番屋企睇食評先知道呢間小樽好壞參半, 我今次食物就ok, waitress樣子都一流, 但佢地服務就差dd喇, 啊男老闆努力招呼, 佢地都唔係好識做...