CHiLL-i (已結業)

踏入餐廳已相當喜歡，環境清靜，牆上掛了數幅好靚貓畫，每幅貓樣表情很攪鬼。喜歡貓咪必定打咭。食物方面點了麻辣海龍皇意大利飯-麻辣火窩就食得多,呢個飯真係第一次食,估唔到有驚喜,食落多麻少辣好過隱, 海鮮勁多,蝦,帶子,蜆,青口,又大又新鮮,賣相用心，絕不馬虎。。另外香辣西班牙腸,蕃茄.尖通粉,煙鴨胸-蕃茄醬汁濃,通粉煮得恰到好處,唔會好硬。飲品方面叫左柸熱嘅玫瑰花鮮奶咖啡, 好香玫瑰花香味,但又唔會掩蓋咖啡味;檸檬蜂蜜梳打飲落好清新,而且甜度適中。