影片
更多
2016-06-15
762 瀏覽
星期一晚攞架車去整，所以去到呢個北角嘅地點。其實平時都好少來。搞掂晒啲嘢，已經夜晚八點幾。見到呢間餐廳裝修幾醒神，而且好似環境幾舒服。仲要有卡位添，所以就坐入去試吓啦。店員相當之有禮貌咁邀請我哋坐入去。我就點左煙三文魚野菌忌廉天使麵。我老公就點左雙式芝士焗蕃茄豬扒飯。先來左餐湯-羅宋湯：羅宋湯其實幾有驚喜。因為佢湯嘅質地比較杰身，非常足料。好多蔬菜，味道方面甜酸辣亦都balance得幾好。所以好開心好有期望。之後就先來左我個三文魚天使麵：呢個就有少少失望啦，因為個煙三文魚肉質都麻麻哋，而且份量又好少。天使麵份量就好多，麵質都OK嘅。但係佢個汁就唔係好creamy ,亦都好似唔夠鹹味。要讚嘅係佢都好多野菌下嘅。因為坊間好多所謂野菌天使麵啊，啲菌係少到不得了架。跟住我哋就叫埋餐飲：個檸水係唔錯嘅，檸檬都新鮮，茶都有茶香味。之後我老公個焗豬扒飯就嚟啦。都非常多芝士，豬扒都好大塊。不過又唔係好夠茄味或者可以話冇乜味。咁一哥焗豬扒飯就好食過佢囉。咁我就手多多叫多個大啡菇脆條，因為我對野菌啊、香菇呀，係非常着迷嘅。其實呢一個炸菇真係第一次見。其實啲菇係非常之肥美嘅！亦都係新鮮炸出來幾香脆！亦都炸得
所以去到呢個北角嘅地點。
其實平時都好少來。
搞掂晒啲嘢，已經夜晚八點幾。
見到呢間餐廳裝修幾醒神，而且好似環境幾舒服。仲要有卡位添，所以就坐入去試吓啦。
店員相當之有禮貌咁邀請我哋坐入去。
我就點左煙三文魚野菌忌廉天使麵。
我老公就點左雙式芝士焗蕃茄豬扒飯。
先來左餐湯-羅宋湯：
羅宋湯
14 瀏覽
0 讚好
0 留言
因為佢湯嘅質地比較杰身，非常足料。
好多蔬菜，味道方面甜酸辣亦都balance得幾好。所以好開心好有期望。
之後就先來左我個三文魚天使麵：
煙三文魚野菌忌廉天使麵
$68
25 瀏覽
0 讚好
0 留言
呢個就有少少失望啦，因為個煙三文魚肉質都麻麻哋，而且份量又好少。天使麵份量就好多，麵質都OK嘅。但係佢個汁就唔係好creamy ,亦都好似唔夠鹹味。
要讚嘅係佢都好多野菌下嘅。
因為坊間好多所謂野菌天使麵啊，啲菌係少到不得了架。
跟住我哋就叫埋餐飲：
檸檬茶
17 瀏覽
0 讚好
0 留言
之後我老公個焗豬扒飯就嚟啦。
相識芝士焗蕃茄豬扒飯
$60
35 瀏覽
0 讚好
0 留言
咁一哥焗豬扒飯就好食過佢囉。
咁我就手多多叫多個大啡菇脆條，因為我對野菌啊、香菇呀，係非常着迷嘅。
大啡菇脆條
$38
21 瀏覽
0 讚好
0 留言
其實呢一個炸菇真係第一次見。其實啲菇係非常之肥美嘅！
亦都係新鮮炸出來幾香脆！
亦都炸得唔油利。
可惜都係果句：冇乜味道。
如果佢俾個喼汁我，或者沙律醬我，或者俾啲汁我啦⋯⋯有啲嘢點吓咁就一流啦！
另外，個餐只可以要餐湯或沙律。
但我其實兩樣都想要喎。可以考慮叫客人加＄5 -$10有個細沙律。咁又做多啲生意，客人又可以兩樣都有得食，咪更好囉。
睇得出呢間都係有心機經營嘅餐廳，希望佢可以慢慢改良，越做越好！
有機會經過都會再幫襯嘅。
加油！
張貼
