影片
更多
2010-11-04
14 瀏覽
8月28日, 貼紙相日下場, 去咗試下呢間好評如潮嘅老苔目~ 呢到舖頭細細, 坐位唔多… 我地都等咗一陣先至入得座~::: 米苔目 ::: $18細細碗粉, 但係超有米味!!! 米苔目, 其實就係我地平時食開嘅銀針粉~ 無試過台灣地道嘅米苔目係咩樣, 但呢度嘅米苔目就比一般銀針粉幼少少同埋較碎… 但就有相當強勁嘅米味, 口感仲非常QQ!! 湯底唔知用咩熬製, 但撈埋面頭堆肉燥同香蒜,材料雖然簡單但係味道好好~ 一定要試!!::: 魯肉飯 ::: $15都係細細碗, 配料基本上同米苔目一樣, 但就由米苔目變成米飯~ 魯肉係好傳統嘅肥多瘦肉少, 雖然唔健康但就十分香口! 連埋蔥粒一齊食味道絕對上佳~ 不過d飯就乾咗少少, 同埋比d強勁冷氣吹住所以好快凍… 而且反而不及米苔目有米味! 兩種食物材料味道相約, 下次會揀食米苔目再試多d其他野~::: 白玉翡翠 ::: $26十分優雅的菜名~ 賣相亦十分乾淨亮麗~ 一客十小卷, 以白灼椰菜片包著韭菜同蘿蔔絲, 附以麻醬供點食用. 就咁乜都唔點的話椰菜卷味道略嫌清淡, 不過點咗麻醬亦只係有助少少提味而已~ 欣賞的是呢個菜真係有心機, 同埋菜量甚豐!
::: 米苔目 ::: $18
細細碗粉, 但係超有米味!!! 米苔目, 其實就係我地平時食開嘅銀針粉~ 無試過台灣地道嘅米苔目係咩樣, 但呢度嘅米苔目就比一般銀針粉幼少少同埋較碎… 但就有相當強勁嘅米味, 口感仲非常QQ!! 湯底唔知用咩熬製, 但撈埋面頭堆肉燥同香蒜,材料雖然簡單但係味道好好~ 一定要試!!
::: 魯肉飯 ::: $15
都係細細碗, 配料基本上同米苔目一樣, 但就由米苔目變成米飯~ 魯肉係好傳統嘅肥多瘦肉少, 雖然唔健康但就十分香口! 連埋蔥粒一齊食味道絕對上佳~ 不過d飯就乾咗少少, 同埋比d強勁冷氣吹住所以好快凍… 而且反而不及米苔目有米味! 兩種食物材料味道相約, 下次會揀食米苔目再試多d其他野~
::: 白玉翡翠 ::: $26
十分優雅的菜名~ 賣相亦十分乾淨亮麗~ 一客十小卷, 以白灼椰菜片包著韭菜同蘿蔔絲, 附以麻醬供點食用. 就咁乜都唔點的話椰菜卷味道略嫌清淡, 不過點咗麻醬亦只係有助少少提味而已~ 欣賞的是呢個菜真係有心機, 同埋菜量甚豐! D菜亦食得出頗新鮮~ 然而因為椰菜本身唔夠淋, 所以咬開個卷係有少少困難… 不過一餐飯可以食番咁多纖維感覺上都健康d!
今餐雖然唔係叫咗好多野, 但可能兩個重澱粉質野已經令我地飽飽地~ 小店雖然面積不大但裝修雅致, 亦都有淡淡嘅古早風味! 環境服務食物俱佳~ 價錢亦十分相宜~ 一定會再嚟試多d其他野食~
張貼
