影片
更多
2020-01-10
51 瀏覽
香港人係乜呢？香港人係...急速有效率急到食餐飯都趕頭趕命，當然，呢種係普遍既態度，唔係個個香港人都係咁。但有啲餐廳就趕住做多幾轉，要迫你埋單，你都唔好意思要阻人發達。講咗咁多，都要入正題啦，呢間餐廳係就係趕頭趕命，但唔係食客，而係伙計。我眼見佢地好忙，忙住送上美食，又要放好位置，又要set 時間去蒸，每道菜都蒸唔同時間，點記既呢？最慘係有人食得快，有人食得慢，但我留意到，服務員(我唔知應該叫佢傳菜好呀，還是廚師好？)係會等我食完先一道菜，佢先至會蒸第二道菜，我估係佢唔想蒸好之後，我未食完令到第二道菜攤凍啦。但我食得慢，變咗佢又要等我。但佢都自動隱形，唔想俾壓力我，所以我覺得呢到超好服務喎。再睇下牆上有好多明星合照，相信呢到既話事人應該幾好人緣。講到蒸氣火鍋，市面上都有唔少，以前我都有食過，多數都係蒸海鮮，因為咁樣最能夠保留食物既鮮味。呢間餐廳每道菜式都好講究，而且食材係極之優質，以及童叟無欺，點解咁講呢，因為有隻蜆蒸完唔開口，我都不以為然，但個服務員好主動話幫我地換過隻。呢D信心既保證，一隻蜆就收買到我啦，哈哈哈。先黎第一道菜，黑松露蒸水蛋好心急呀，等咗6分鐘，終於可以食啦，黑松露唔
急到食餐飯都趕頭趕命，當然，呢種係普遍既態度，唔係個個香港人都係咁。但有啲餐廳就趕住做多幾轉，要迫你埋單，你都唔好意思要阻人發達。
講咗咁多，都要入正題啦，呢間餐廳係就係趕頭趕命，但唔係食客，而係伙計。
我眼見佢地好忙，忙住送上美食，又要放好位置，又要set 時間去蒸，每道菜都蒸唔同時間，點記既呢？最慘係有人食得快，有人食得慢，但我留意到，服務員(我唔知應該叫佢傳菜好呀，還是廚師好？)係會等我食完先一道菜，佢先至會蒸第二道菜，我估係佢唔想蒸好之後，我未食完令到第二道菜攤凍啦。但我食得慢，變咗佢又要等我。但佢都自動隱形，唔想俾壓力我，所以我覺得呢到超好服務喎。
再睇下牆上有好多明星合照，相信呢到既話事人應該幾好人緣。
講到蒸氣火鍋，市面上都有唔少，以前我都有食過，多數都係蒸海鮮，因為咁樣最能夠保留食物既鮮味。呢間餐廳每道菜式都好講究，而且食材係極之優質，以及童叟無欺，點解咁講呢，因為有隻蜆蒸完唔開口，我都不以為然，但個服務員好主動話幫我地換過隻。呢D信心既保證，一隻蜆就收買到我啦，哈哈哈。
先黎第一道菜，黑松露蒸水蛋
好心急呀，等咗6分鐘，終於可以食啦，黑松露唔會好搶，只會有少少松露味，最怕係好大陣味，影響到之後食海鮮既鮮味。
鮮鮑 + 沙包蜆
洗得好乾淨，一啲泥味都冇，食蜆最怕有沙，食得唔過隱嘛。
海蝦 + 日本元貝
唔知點解要用竹籤串超隻蝦，應該有好大學問係裡面
美國桶蠔
啖啖肉，而且係熱既，蠔呢…如果係咁大隻呢，保險啲唔好食生既，但好果邊爐呢，最怕係煮得太耐，蠔邊會韌，但呢到計過度過時間，完全係熟而不韌
手剁豬肉丸 + 墨魚丸
呢兩粒丸都係眼白白睇住佢由生變熟，在生既時候，你分得出佢係手剁既；熟咗，係會食得架啦！
金銀蒜蒸勝瓜 + 薑蔥蒸鮮魷
食咗幾道菜，如果仲未飽，就加埋呢兩個餸，相信應該好滿足。
張貼
