彤粵菜小館 (已結業)

今次特登同男朋友黎試呢間新開既彤粵菜小館，裝修完全係中國風，天花既屏蔽好得意，好似係船上面既帆咁😆😂焗豬肋骨 $298🍖豬肋骨每舊都望到好香脆，表皮落滿香料，令到豬肋骨好香，咬落啲肉汁爆晒出黎，有埋錫紙包住少少骨，方便拎住黎食，好有風味，好正呀！😋薑蔥廣島蠔 $238 🦪廣島蠔真係名不虛傳呀，差唔多手板咁大隻，而且非常正常肥美，煎香佐既蠔有少少焦，但完全無影響好味程度，好鮮甜好好食！花膠燉螺頭$158🤤成個湯既重點緊係花膠啦，花膠大大隻，又厚肉，好好味，螺頭都唔可以睇少，成個湯清甜滋陰，女士既不二之選🥰