紅橋 (已結業)

朋友喺旺角返工，好識喺旺角搵啲性價比高嘅餐廳，今次佢就帶我嚟紅橋食飯喇。scan qr code落單，meun嘅選擇都幾多，而且全日免收加一餐湯我哋叫咗一中一西，中湯係蓮藕排骨湯，西湯係忌廉蘑菇湯，都幾足料。前菜三文魚沙律龍蝦汁帆立貝蟹肉燴意大利飯帆立貝好大隻，重大隻過隻匙羹，肉質厚實；蟹肉份量大方，意大利飯嘅飯粒唔會太硬，遷就返香港人嘅口味；龍蝦汁都幾惹味，撈埋啲番茄，酸酸地非常醒胃蛋包飯配胡麻火灸煙三文魚最鍾意食蛋包飯呢度嘅蛋包飯脹卜卜好靚，隻蛋唔會過熟，入面啲飯充滿蛋汁，又靚又好食！煙三文魚上面有好多火灸過嘅芝士，美味邪惡；沙律菜亦都好新鮮，可以撈埋啲胡麻沙律汁食。芝心雞翼誠意之作，雞翼入面釀咗啲芝士同蘑菇，口感同味道都好豐富。